A Concellería socialista de Deportes promociona o deporte base coa cuarta edición da Mini BTT

O concelleiro socialista de Deportes, Tino Fernández presentou a cuarta edición da Mini BTT da Comunidade de Montes da parroquia de Salcedo, onde o vindeiro domingo 28 de xullo se vivirá unha xornada de exaltación da bicicleta e o deporte de base.

A proba deportiva, unha clásica carreira de bicicleta de montaña que é a máis importante do calendario nesta categoría, estará organizada polo “Club Ciclista Farto” coa colaboración do Concello, e reunirá a 420 mozos e mozas deportistas, de entre 4 e 14 anos, chegados dende diferentes puntos da xeografía galega.

“Queremos que este tipo de eventos sexan estratéxicos”, “dado que permiten xerar hábitos de vida saudables entre os máis pequenos”,  sinalou o compañeiro Tino, que estivo acompañado polo presidente da Federación Galega de Ciclismo, Carlos Muñiz, así como do monitor de “Farto”, Francisco Lozano.

Con esta actividade, que dará comezo ás 11:00 horas nos terreos do antigo campo de tiro da Brilat, e que se suma a de piragüismo que terá lugar este fin de semana no Pontillón do Castro, o PSde-PSOE de Pontevedra pon de manifesto o seu interese pola promoción do deporte base, o que practicamos a maioría dos cidadáns e que repercute favorablemente na saúde de todos e todas, de aí a súa importancia e que os socialistas poñamos nel o foco, como xa indicamos no noso programa electoral, favorecendo, de paso, outra das nosas preocupacións, as actuacións nas parroquias. Porque se goberna con feitos, non con promesas.

Facebooktwittergoogle_pluspinterestby feather

Deixa unha resposta

O teu enderezo electrónico non se publicará

Este sitio emprega Akismet para reducir o spam. Aprende como se procesan os datos dos teus comentarios.

scriptsell.neteDataStyle - Best Wordpress Services